सिन्धुली, २७ असार । सुँगुरले लिङ्ग टोकिदिँदा सिन्धुलीको निपाने गाविस–३ का एक पुरुषको ज्यान गएको छ । छिमेकी ध्रुबबहादुर पूर्वछानेले पालेको सुँगुरले ५६ बर्षिय टेकबहादुर सार्कीको लिङ्ग टोकिदिँदा मंगलबार टेकबहादुरको घटनास्थलमा नै ज्यान गएको हो ।
कसैले हिर्काउदा बिच्किएको सुँगुरले बसेको ठाउँमा गएर टेकबहादुरको लिङ्ग टोकिदिएको थियो । सुँगुरले लिङ्ग टोकेपछि टेकबहादुरको घटनास्थलमा नै ज्यान गएको प्रहरी नायब निरीक्षक महेन्द्र साहले जानकारी दिनुभयो ।
धु्रबहादुरले पालेको सुँगुर(बिर) मृतक टेकबहादुले पालेको छाउरी(भूनि)संग भुल्लिन सधै टेकबहादुरको घरमा जान्थ्यो र दुख दिन्थ्यो । स्थानीय वासिन्दाको सल्लाहमा मङ्गलबार नै छाउरी काटेर खाने योजना पनि बनेको थियो । तर छाउरी काट्नुअघि नै टेकबहादुरलाई सुँगुरले टोकिदियो ।
